|
| საერთაშორისო სამეცნიერო-პრაქტიკული კონფერენცია ქუთაისში
2010 წლის 17-18 ივნისს 11:00 სთ-ზე აკაკი წერეთლის სახელმწიფო უნივერსიტეტში (ქ. ქუთაისი, თამარ მეფის ქ. #59, I კორპუსი, მწვანე დარბაზი) ჩატარდება საერთაშორისო სამეცნიერო-პრაქტიკული კონფერენცია თემაზე "ინოვაციური ტექნოლოგიები და თანამედროვე მასალები".
კონფერენციის სამეცნიერო მიმართულებებია:
1. კვების მრეწველობის თანამედროვე ტექნოლოგიები;
2. ჯანსაღი კვების პრობლემები და სასურსათო უსაფრთხოება;
3. ეკოლოგია და გარემოს დაცვის პრობლემები;
4. ახალი ფარფაცევტული, ბიოფარმაცევტული და ფარმაკოლოგიური ტექნოლოგიები;
5. მსუბუქი მრეწველობის ახალი ტექნოლოგიები, მასალები და დიზაინი;
6. ტექსტილის მრეწველობის ახალი ტექნოლოგიები, მასალები და დიზაინი;
7. თანამედროვე ქიმიური ტექნოლოგიები და მასალები;
8. მცენარეული ნედლეულის ქიმიის და ქიმიური ტექნოლოგიის თანამედროვე მიღწევები;
9. დარგის ეკონომიკა და მენეჯმენტი;
10. დარგის ახალი მანქანა-დანადგარები და მოწყობილობები;
11. დარგის საინფორმაციო ტექნოლოგიები.
კონფერენციის სამუშაო ენაა - ქართული, ინგლისური და რუსული.
კონფერენციაში მონაწილეობისათვის საჭიროა 2010 წლის 30 მარტამდე წარმოადგინოთ:
- სარეგისტრაციო ბარათი.
- სტატიის ტექსტის ამონაბეჭდი და ელექტრონული ვერსია.
- საორგანიზაციო ხარჯების თანხის (40 ლარი) გადახდის ქვითარი.
დამატებითი ინფორმაციისათვის მოხსენების წარდგენის ფორმატის, რეგისტრაციის ფორმის, საორგანიზაციო თანხის გადასარიცხად საბანკო ანგარიშის და სხვ. შესახებ მიმართეთ ჩვენი უნივერსიტეტის საერთაშორისო ურთიერთობების განყოფილებას (ოთახი 211).
