29 მაისს გაიმართა  საერთაშორისო სამეცნიერო-პრაქტიკული კონფერენცია , თემაზე _ "კულტურულ მცენარეთა გენეტიკური რესურსები და მისი გამოყენება სოფლის მეურნეობაში"

საქართველოს მეცნიერებათა ეროვნული აკადემიის წევრ-კორესპონდენტის, სოფლის მეურნეობის აკადემიის აკადემიკოსის, საქართველოს პრემიის ლაურეატის, სოფლის მეურნეობის მეცნიერებათა დოქტორის, პროფესორის პეტრე ნასყიდაშვილის 80 წლის იუბილეს აღსანიშნავად სასოფლო-სამეურნეო უნივერსიტეტში საერთაშორისო სამეცნიერო-პრაქტიკული კონფერენცია გაიმართა, თემა _ `კულტურულ მცენარეთა გენეტიკური რესურსები და მისი გამოყენება სოფლის მეურნეობაში~, კონფერენციას ესწრებოდნენ საქართველოს განათლებისა და მეცნიერების სამინისტროს, საქართველოს მეცნიერებათა ეროვნული აკადემიის, საქართველოს სოფლის მეურნეობის აკადემიის წარმომადგენლები, სასოფლო-სამეურნეო კვლევის საერთაშორისო ცენტრის მშრალი რეგიონებისთვისა და სიმინდისა და ხორბლის გაუმჯობესების საერთაშორისო ცენტრის ქართველი და უცხოელი წევრები, ასევე რუსეთის, თურქეთის, აზერბაიჯანის, ყაზახეთისა და უკრაინის ქვეყნებიდან კოლეგები.