“განხილულია” “დამტკიცებულია”
საქართველოს სახელმწიფო საქართველოს სახელმწიფო სასოფლო-სამეურნეო უნივერსიტეტის სასოფლო-სამეურნეო უნივერსიტეტის
აკადემიურ საბჭოს სხდომაზე წარმომადგენლობით საბჭოს სხდომაზე
ოქმი # 6, 14 თებერვალი, 2007 წ. ოქმი #6, 12 აპრილი, 2007 წ.


საქართველოს სახელმწიფო სასოფლო-სამეურნეო უნივერსიტეტი


ხარისხის უზრუნველყოფის სამსახურის


დ ე ბ უ ლ ე ბ ა

თბილისი 2007 წელი

ზოგადი დებულებები
1. უმაღლესი განათლების ხარისხის გაუმჯობესება წარმოადგენს სახელმწიფო საგანმანათლებლო პოლიტიკის მნიშვნელოვან პრიორიტეტს;
2. განათლების ხარისხის უზრუნველყოფა უნივერსიტეტის ვალდებულებაა, რომელსაც ის ახორციელებს ავტონომიურობის პრინციპიდან გამომდინარე;
3. ხარისხის უზრუნველყოფის სამსახური უნივერსიტეტის მართვის ერთ-ერთი ძირითადი ორგანო ანუ მმართველი სუბიექტია;
4. უნივერსიტეტში ფუნქციონირებს ხარისხის უზრუნველყოფის საუნივერსიტეტო და საფაკულტეტო სამსახურები;


თავი 1. უნივერსიტეტის ხარისხის უზრუნველყოფის სამსახურის ძირითადი მიზნები Dდა ამოცანები:
1.1. ხარისხის უზრუნველყოფის საუნივერსიტეტო და საფაკულტეტო სამსახურების ძირითადი მიზანია უნივერსიტეტში სასწავლო და სამეცნიერო-კვლევითი მუშაობის, აგრეთვე პედაგოგიური პერსონალის კვალიფიკაციის ამაღლების სისტემატური კონტროლი და შეფასება;
1.2. უნივერსიტეტის ხარისხის უზრუნველყოფის სამსახური მჭიდრო კავშირს ამყარებს და თანამშრომლობს საზღვარგარეთის ქვეყნებისა და მათი უმაღლესი საგანმანათლებლო დაწესებულებების შესაბამის სამსახურებთან ხარისხის კონტროლის გამჭირვალე კრიტერიუმებისა და მათი უზრუნველყოფის მეთოდოლოგიის ჩამოსაყალიბებლად;
1.3. უნივერსიტეტის ხარისხის უზრუნველყოფის სამსახური ხელს უწყობს სწავლების ხარისხის მაღალი დონის უზრუნველყოფას სწავლის, სწავლებისა და შეფასების თანამედროვე მეთოდების (მოდულები, საკრედიტო სისტემა და ა.შ.) დანერგვის გზითა და აკრედიტაციის პროცესისათვის თვითშეფასების მომზადებას;


თავი 2. ხარისხის უზრუნველყოფის სამსახურის უფლებამოსილება:
2.1. ყოველი სასწავლო წლისათვის შეიმუშაოს და თავის სხდომაზე განიხილოს სამუშაო გეგმა და დასამტკიცებლად წარუდგინოს რექტორს;
2.2. კონკრეტული ამოცანის გადაწყვეტის მიზნით რექტორატთან შეთანხმებით ჩამოაყალიბოს დროებით მოქმედი ჯგუფები;
2.3. განიხილოს და დასამტკიცებლად წარუდგინოს აკადემიურ საბჭოს ფაკულტეტების მიერ წარმოდგენილი სპეცილობების საგანმანათლებლო პროგრამები;
2.4. შეიმუშაოს და დასამტკიცებლად წარუდგინოს აკადემიურ საბჭოს სასწავლო და სამეცნიერო- კვლევითი მუშაობის შეფასების წესი;
2.5 განხილულ საკითხებზე მიიღოს გადაწყვეტილება ფაკულტეტების ხარისხის უზრუნველყოფის სამსახურების უფროსების მონაწილეობით.
2.6. მონიტორინგი გაუწიოს საბაკალავრო და სამაგისტრო ნაშრომების შესრულების მიმდინარეობას და დაცვას, სასწავლო გეგმით გათვალისწინებულ სასწავლო და საწარმოო პრაქტიკების მიმდინარეობის ორგანიზაციულ და მეთოდოლოგიურ საკითხებს.


თავი 3. ხარისხის უზრუნველყოფის სამსახურის საქმიანობის ორგანიზაციული უზრუნველყოფა.
3.1. უნივერსიტეტის ხარისხის უზრუნველყოფის სამსახურის ხელმძღვანელს ფარული კენჭისყრით ამტკიცებს წარმომადგენლობითი საბჭო აკადემიური საბჭოს წარდგინებით;
3.2. ფაკულტეტის ხარისხის უზრუნველყოფის სამსახურის უფროსს ფარული კენჭისყრით ამტკიცებს ფაკულტეტის საბჭო უნივერსიტეტის ხარისხის უზრუნველყოფის სამსახურის ხელმძღვანელის წარდგინებით;
3.3. ხარისხის უზრუნველყოფის საუნივერსიტეტო სამსახურის ხელმძღვანელი უნდა იყოს სრული ან ასოცირებული პროფესორი; ხარისხის უზრუნველყოფის საფაკულტეტო სამსახურის უფროსი უნდა იყოს სრული ან ასოცირებული პროფესორი, შესაძლებელია იყოს ასისტენტ პროფესორი, რომელსაც აქვს დოქტორის აკადემიური ხარისხი.
3.4. ხარისხის უზრუნველყოფის სამსახურის თანამშრომელთა თანამდებობრივი ინსტრუქცია იურიდიულ სამსახურთან შეთანხმებით მტკიცდება უნივერსიტეტის რექტორის მიერ;
3.5. ხარისხის უზრუნველყოფის საუნივერსიტეტო სამსახურის სტრუქტურა შედგება:
ა) ხარისხის უზრუნველყოფის საუნივერსიტეტო სამსახურის ხელმძღვანელი;
ბ) წამყვანი სპეციალისტი;
გ) სპეციალისტი;
3.6 ხარისხის უზრუნველყოფის საფაკულტეტო სამსახურის სტრუქტურაა:
ა) ხარისხის უზრუნველყოფის საფაკულტეტო სამსახურის უფროსი;
ბ) ხარისხის უზრუნველყოფის საფაკულტეტო სამსახურის წევრი;

თავი 4. ხარისხის უზრუნველყოფის სამსახურის მუშაობის წესი
4.1. ხარისხის უზრუნველყოფის სამსახურის სხდომებს თავჯდომარეობს ხარისხის უზრუნველყოფის საუნივერსიტეტო სამსახურის ხელმძღვანელი;
4.2. სხდომა უფლებამოსილია თუ მას ესწრება ხარისხის უზრუნველყოფის საუნივერსიტეტო სამსახურის თანამშრომელებისა და საფაკულტეტო სამსახურების უფროსების ორი მესამედი.
4.3. ხარისხის უზრუნველყოფის საუნივერსიტეტო სამსახური ადგენს სხდომაზე განსხილველი საკითხთა ნუსხას (დღის წესრიგს), რომელსაც ხუთი დღით ადრე გადასცემს ხარისხის უზრუნველყოფის ფაკულტეტის სამსახურების უფროსს;
4.4. ხარისხის უზრუნველყოფის საფაკულტეტო სამსახურების უფროსები უფლებამოსილნი არიან დღის წესრიგში შეიტანონ დამატებით განსახილველი საკითხი, რის შესახებაც უნდა ეცნობოს წამყვან სპეციალისტს სხდომის დაწყებიდან არა უგვიანეს ორი დღისა.
4.5 სამსახურის სხდომა უფლებამოსილია მიიღოს გადაწყვეტილება დამსწრე წევრების უმრავლესობით.
4.6. საუნივერსიტეტო სამსახურის სხდომის შესახებ იწარმოება ოქმი.


5. ხარისხის უზრუნველყოფის სამსახურის წესდების დამტკიცება

5.1. ხარისხის უზრუნველყოფის სამსახურის დებულება ძალაში შედის უნივერსიტეტის წარმომადგენლობით საბჭოს სხდომაზე მისი დამტკიცების შემდეგ.